| 偷單車 
唔好意思，唔係我偷單車
而係我比人偷走架單車 事源上星期六下午
本人打算去市中心買d野．．
咁就順便踩下單車 將單車泊係市中心西鐵站樓下個大型泊車處
仲要用U鎖鎖好．．U鎖質素唔差... 我每次鎖好架單車都會check一check先...睇下係咪鎖實 誰不知1.5hrs後
返到去，竟然比人偷左．． 多數偷單車既人，大多一係賣比單車舖、一係幫我架單車枝解 =[
為左尋找單車一線生機
搜遍附近幾間單車舖、行渾市中心、再行多陣單車徑
我心愛既單車依然離我好遠
咁就無左 1500蚊....用開有感情架麻 偷單車既人，技術真高超 |
| |
| 宣傳廣告？ 曾幾何時，香港既電視廣告大放光芒
例如
半退不休既黎先生：「要贏人 先要贏自己」
依然歌神既學友：「呢個獎 係屬於我爸爸」
惡搞生活既益力多父子
又或者渣的士終遇紅鬼既sunday廣告 可惜，近年既廣告實在退步得多
尤其一批又一批既樓盤廣告
搵幾個外洋model，享受高尚生活，但又身處非樓盤內 
最可怕係連棟樓既名．．都搞得不倫不類
比華利山、凱旋門、首都？
究竟佢地係咪起係香港？
香港都有首都？其實d樓係起比鬼佬住...定係香港人住 ? 反觀，近年最令人注目、最令人熟識既廣告
卻發生係「宣傳易」入面既廣告 
先有我細細個都識佢既僱嫞中心
再有國家都未開放，睇牙就要開放既牙科中心
宜家更有三個月落黎香港，換黎一句「I 甩 Hong Kong」既移民廣告
即使拍攝質素欠佳，但卻予人深刻印象，由朝早到深夜，雖無排山倒海式播放，但每日總會比你望多一眼
咁正正宗宗，大公司拍既電視廣告，點解想記一個都咁難
可悲可悲 |
| |
| ５月３日 星期六 今日特登返機場，同幾位舊同事共進晚餐 三個月就人事翻了一翻．．上上下下都唔多認識sosad 有個阿媽幫佢個仔影相．．佢個仔係咁拍架飛機 果位阿媽：「唔好打飛機呀！」 笑左=[ 同shirly、celia、mike姐姐、otto去東涌食pizza 
食極唔飽．．最後如mike姐姐所願...叫多個至尊pizza 沿途與otto搞太多爛gag...sorry =[ 好耐無返機場...都係機場個環境最舒服...同埋有種親切感 之前報左ive...今日要sumbit讀咩...選左 
最終派左第一個choice...
雖然未知會唔會讀...但呢個hd真係好大引誘
MM Advertising & Visual Eft HD係政府資助...質素好d之餘...基本上我係唔洗錢讀(full grant)
同埋夠近...係青衣...加上青衣間院校環境唔錯...地方好大
官網仲有提到呢個HD所提供銜接學位...其中包括poly u(UGC degree)
雖然升u率應該唔高
但相比好多HD....唔洗錢讀真係一個重要考慮+引誘 |
| |
| ５月２日 星期五 今日係08奧運火炬傳送香港站 本身同家姐都有興趣去睇... 但問題在於...企係度頂多睇到一兩個火炬手傳聖火...好快就睇完 所以最後留在家中... 好後悔無去灣仔睇 =[  華仔好型
夜晚出旺角約左alan食飯 係街係咁傾計...竟無目的行黎行去...之後搵左間日本野食飯 之後落機舖打機....同alan試玩部跳舞機....(圖下果部係另一部黎...)   
玩上癮....最後我地玩左成3粒鐘....燒錢...但真係好好玩 |
| |
| 電影 電影可以話係我最大興趣．．
電影院更係我熱愛之地
睇戲要去戲院睇．． 呢個2月尾-4月...係戲院睇左．． 
Juno少女孕記
奪帥
絕點輯兇
軍雞
公元前10000年
我的最愛
江山美人
韋氏風雲
三國之見龍卸甲
戰火逃城
一個好爸爸
女拳霸
功夫之王
哈哈....都唔知講咩好．．． p.s. 明珠台星期一晚10:30pm既外購劇集「點到即止」..個人推薦 =]  正
|
| |
